Коркин турнирын маҥнайгы күнүн түмүгэ астыннарда!
57 кг 32-лэр, о.и. Саха сириттэн 20-лэр. Баһыйар үгүстэрэ 18-19 саастаах маастарга кандидат, эдэр уолаттар. Маҥнайгы эргииргэ Егор Вензель иккис эргииргэ хотторбут филиппинец Лобрегутоҕа 0:10, Быйаман Яковлев үс эргиир тустубут азербайджанец Ибрахимов Парвизка 4:6, Федор Постников полуфиналга тиийбит бүрээт Жаргал Дамдиновка 2:4, Иванов Уйгулаан биир дойдулааҕар Алексей Копыловка 0:6, Александр Иванов биир дойдулааҕар Егор Потаповка 0:8, Родион Ефремов биир дойдулааҕар Георгий Окороковка 0:10, Дьулус Седалищев биир дойдулааҕар Харысхал Григорьевка 0:10, Петр Копылов японец Фуджитаҕа 1:2, Михаил Васильев биир дойдулааҕар Дьулустаан Федотовка 2:4, Айаал Белолюбскай бүрээт Алдар Бальжинимаевка 0:8, Петр Константинов кыргыз Искандер Саттаровы 10:0 кыайда, Александр Авелов монгол Сухбаатарга 0:3, Сафарбек Одинаев узбек Гуломжон Абдуллаевка 0:11, Дмитрий Илларионов биир дойдулааҕар Арыйаан Тютриҥҥа 1:14 хоттортоотулар.
Иккис эргииргэ Алексей Копылов бүрээт Жаргал Дамдиновка 2:3, Георгий Окороков биир дойдулааҕар Егор Потаповка 7:7, Харысхал Григорьев японец Фуджитаҕа 0:3, Дьулустаан Федотов бүрээт Тамир Гармаевка 5:14, Петр Константинов бүрээт Алдар Бальжинимаевка 2:4 хоттортоотулар, Арыйаан Тютрин узбек Абдуллаевы 5:0 кыайда.
Үһүс эргииргэ Егор Потапов японец Фуджитаны 8:5, Арыйаан Тютрин монгол Сухбаатары 10:0 кыайталаатылар.
Полуфиналга финалга тахсар иһин хапсыһыыларга Егор Потапов бүрээт Жаргал Дамдиновка хоттордо, Арыйаан Тютрин бүрээт Алдар Бальжинимаевы 4:0 кыайда уонна финалга ыччаттарга Роман Дмитриев турнирын кыайыылаҕын бүрээт Жаргал Дамдиновы кытта кыһыл көмүс мэтээли былдьаһар буоллулар.
65 кг 19-лар, о.и. Саха сириттэн 12-лэр. Маҥнайгы эргииргэ Егор Захаров биир дойдулааҕар Виктор Рассадиҥҥа 0:11, Егор Герасимов тувинец-турок Чингисхаан Эрдогаҥҥа 0:11, Петр Кириллин бүрээт Булат Батоевка 0:5 хоттордулар, Ньургустаан Иванов биир дойдулааҕын Никита Макаровы 12:1, Айсен Потапов монгол Бад Баатары 13:0, Дьулустаан Булатов румын Евгений Волковы 5:2, Ньургун Скрябин японец Исо Джироны 6:4 кыайталаатылар.
Иккис эргииргэ Виктор Рассадин биир дойдулааҕын Ньургустаан Иванову 10:0 кыайда, Айсен Потапов тувинец-турок Чингисхаан Эрдогаҥҥа 3:8, Дьулустаан Булатов бүрээт Булат Батоевка 3:5 хоттортоотулар, Ньургун Скрябин бүрээт Дашашарстепановы 8:3 хотто.
Полуфиналга финалга тахсар иһин кытаанах киирсиилэргэ Виктор Рассадин тувинец-турок Чингисхаан Эрдоганы 14:3, Ньургун Скрябин бүрээт Булат Баттоевы 6:2 баһыйан иһэн, сөбүлээн туттар “рычаг” диэн албаһынан саннын хаптаҕайдарынан хам баттаан, ыраастык кыайда! Инньэ гынан, финалга саха бөҕөстөрө кыһыл көмүс мэтээли былдьаһа утарыта тахсар буоллулар.
74 кг 14-лэр, Саха сириттэн иккиэлэр. Владимир Данилов кубинец Гарзоҥҥа 2:8, Никита Софронов полякка 0:9 маҥнайгы эргииргэ хотторон туораатылар. Никита Сучков (Красноярскай) уонна Хаджимурад Гаджиев (Азербайджан) финалга таҕыстылар.
Маҥнайгы күн түмүгүнэн, тарбахха баттанар баттаамалаах бөҕөстөрбүт Арыйаан Тютрин, Виктор Рассадин уонна Ньургун Скрябин ааттарын-суолларын түһэн биэрбэтилэр, хаһан да буоларын курдук, турниры улаханнык сэргэхситтилэр, тустууну таптааччылар эрэллэрин толордулар. Тютрин кимэрэ, ыгаттыыра, чугуйбата, Рассадин албастары харса-хабыра суох утуу-субуу оҥортуура, Скрябин кытаанах “ытарчата” утарсааччыларын “ууга-уокка” түһэртээтилэр. Ыалларбыт Бурятия тустууктара үчүгэй бэлэмнээх кэлбиттэр. Үс төгүллээх аан дойду чөмпүйүөнэ азербайджанец Хаджи Алиев Россия призеруттан Даша Шарастепановтан хотторон туораабыта соһуччу түгэнинэн буолла. Россияны, аан дойдуну баһылыы сылдьар дагестанецтар кэлбиттэрэ буоллар, өссө сытыы киирсиилэр буолуо эбиттэр. Осетиннар эмиэ суохтар. Сүрүн ыалдьыт быһыытынан кэлэ сылдьар олимпийскай чөмпүйүөн Сергей Белоглазов тустууну билэр Саха сирин “ыалдьааччыларын” хайгыыра истэргэ үчүгэй.
Турнир салҕанар.
Minsportrs.ru
